Son Xəbər: Azərbaycanla Birləşmiş Ərəb Əmirlikləri arasında 6 sənəd imzalanıb, Sabahdan Bakıda dövlət qurumlarında iş rejimi dəyişir, Almaniyada təyyarə qəzaya uğrayıb, 3 nəfər ölüb, Şeyxülislam: İslamdaxili dialoq olduqca aktual və zəruridir, KİV: Rusiyanın 51-ci ordusunun komandanı Sergey Milçakov öldürülüb, Azərbaycanın AİB ilə əməkdaşlığı üzrə 5,6 mlrd. dollarlıq maliyyələşmə həyata keçirilib, İlham Əliyevə "Zayed İnsan Qardaşlığı Mükafatı"nın sertifikatı təqdim olunub, "Bilik günü" Azərbaycanda 34 dərəcə isti olacaq, MM cinayət işlərində hüquqi yardıma dair Avropa Konvensiyasına Əlavə Protokolu təsdiqləyəcək, İlham Əliyev "SABAH.city" innovasiya şəhərciyinin birinci mərhələsinin açılışında iştirak edib,

Şeyxülislam: İslamdaxili dialoq olduqca aktual və zəruridir

Tarix: Bugün, 16:05

Müasir dünyada terrorizm, separatçılıq, radikalizm kimi bəşər sivilizasiyasını təhdid edən amillərin, ksenofobiya, islamofobiya təzahürlərinin, dindən sui-istifadə hallarının artdığı dönəmdə dini-mənəvi sabitliyə və məzhəblərarası anlaşmaya xidmət edən, islamdaxili dialoq səciyyəli beynəlxalq tədbirlər olduqca aktual və zəruridir.

Bu fikirləri Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Bakıda keçirilən Türk Dövlətləri Təşkilatının (TDT) Müsəlman Dini İdarə Rəhbərləri Şurasının 7-ci görüşü çərçivəsində azərbaycanlı mütəfəkkir və alim şeyx Seyid Yahya Bakuviyə həsr edilmiş Birinci Beynəlxalq elmi-praktiki konfransda deyib.

A.Paşazadə vurğulayıb ki, qardaşlıq, bəşəri həmrəylik diyarı Azərbaycan dünyada ən çox ehtiyac duyulan mötədil dəyərlər mərkəzi, aparıcı mənəvi-humanitar platforma kimi çıxış edir:

"Bu möhtəşəm tədbirin ərsəyə gəlməsində dəyərli səylərinə görə bütün həmtəşkilatçılara dərin təşəkkürümüzü ifadə edirik.

Müsəlman Şərqində, Türk dünyasında və Qafqaz bölgəsində sufi fəlsəfəsinin geniş yayıldığını nəzərə alsaq, geniş coğrafiya üçün önəm kəsb edən, Seyid Yəhya Bakuvi Şirvaniyə həsr olunan və Azərbaycan xalqının qədim tarixi, mədəniyyəti, milli-mənəvi dəyərləri ilə tanış olmaq fürsəti verən Birinci beynəlxalq konfransda fəaliyyətləriniz və elmi yaradıcılığınızda yeni nailiyyətlər arzulayıram".

Bugün, 16:05 8 Sosial